Ба одамоне, ки рафтори хатарнок доранд, тавсия дода мешавад, ки ҳар 3-6 моҳ аз санҷиш гузаранд. Санҷишҳо аксар вақт на ҳама вақт асоснок карда мешаванд. Пас аз сироятёбӣ ба вирус аз 1 то 3 моҳ лозим аст, то ташхиси фаврии ВНМО қодир бошад, ки онро ошкор кунад. Агар рафтори хатарнок вуҷуд дошта бошад, аммо камтар аз се моҳ гузашт, санҷиш метавонад натиҷаи манфӣ нишон диҳад, аммо ин на ҳамеша маънои онро дорад, ки сироят рух надодааст. Лутфан ин маълумотро ҳангоми фармоиш додани санҷиш ба назар гиред.

Истифодаи дуруст ва мунтазами рифола, худдорӣ аз истеъмоли сӯзандору ё истифодаи танҳо таҷҳизоти безарар хатари сирояти ВНМО-ро коҳиш медиҳад. Истифодаи рифола инчунин хатари дигар сироятҳои тавассути алоқаи ҷинсӣ гузаранда ва ҳомиладории номатлубро коҳиш медиҳад. ВНМО аз шахси мубталои ВНМО, ки табобати зиддиретровирусиро дуруст қабул мекунад ва сарбории вирусии пастшуда дорад, гирифта намешавад. Агар шумо хавфи баланди гирифторшавӣ ба ВНМО дошта бошед, шумо метавонед муҳофизати худро аз сирояти эҳтимолии ВНМО тавассути оғоз намудани пешгирии пеш аз тамос (ППТ) зиёд кунед. Барои маълумоти бештар дар бораи ППТ, ба Маркази пешгири ва мубориза бар зидди ВНМО муроҷиат намоед. Рақами телефон барои тамос +992 93 555 27 34.

Агар шумо ташвиш дошта бошед, ки ба ВНМО гирифтор шудаед ва камтар аз 72 соат аз вазъияти хатарнок гузашта бошад, шумо метавонед ба Маркази ВНМО (рақами телефон барои тамос +992 93 555 27 34) барои пешгирии пас тамос муроҷиат кунед. Духтур тавсия медиҳад, ки ба шумо ташхиси хун барои сирояти ВНМО гузаред ва ба шумо реҷаи кӯтоҳмуддати доруҳои зиддиретровирусиро таъин мекунад.

То имрӯз дар ҷаҳон танҳо 3 ҳолати табобати пурраи ВНМО маълум аст. Ҳангоми сирояти ВНМО, шумо метавонед бо гирифтани табобати махсуси зиддиретровирусӣ умри дароз ва хушбахтона зиндагӣ кунед. Дар Маркази пешгирӣ ва мубориза бар зидди ВНМО, ба ҳамаи шаҳрвандон ва резидентҳои Ҷумҳурии Тоҷикистон табобати зиддиретровирусӣ ройгон дода мешавад. Гирифтани табобати зиддиретровирусӣ на танҳо сифат ва дарозии зиндагии шахси мубталои ВНМО-ро беҳтар мекунад, балки интиқоли минбаъдаи ВНМО-ро бозмедорад. ВНМО аз шахси мубталои ВНМО, ки муолиҷаи зиддиретровирусиро дуруст қабул мекунад ва сарбории вирусии муайяннашаванда дорад, ҳатто ҳангоми алоқаи ҷинсӣ бидуни рифола интиқол намешавад.

Ҳамааш аз сатҳи вирус дар хун дар вақти оғози табобат ва реҷаи табобат вобаста аст. Барои баъзе нафарон се моҳ кифоя аст, то ба сатҳи номуайяншаванда бирасад, барои баъзеҳо вақти бештар лозим аст. Ҳар қадар зудтар шахс табобатро оғоз кунад, ҳамон қадар беҳтар аст. Муҳим аст, ки пайравии табобатро риоя кунед ва доруҳои таъинкардаи духтуронро қатъ накунед.

Одамоне, ки бо ВНМО зиндагӣ мекунанд, бояд як умр табобат гиранд, то сатҳи вирус номуайяншаванда гардад. Реҷаи табобат барои бемор вобаста ба хусусиятҳои бадан фардӣ интихоб карда мешавад. Дар ҳоли ҳозир дар Тоҷикистон ҳама нақшаҳои табобат истифодаи ҳамарӯзаи дорувориҳоро дар бар мегирад, аммо ҷаҳон дар ҳоли ҳозир намеистад ва дар ояндаи наздик доруҳое пайдо мешаванд, ки барои истифода дар як моҳ як маротиба кофӣ хоҳанд буд.

Агар Шумо хоҳед, ки тамос бо одамонро кам намоед, Шумо метавонед тавассути ширкати хаткашон "Почтаи Аср" фармоиш диҳед. Дар марҳилаи фармоиш Шумо метавонед варианти мувофиқтаринро барои худ интихоб намоед. Лифофаҳои тестӣ аз ҷониби кормандони ботаҷриба дода мешаванд, ки ба шумо ягон саволи иловагӣ намедиҳанд. Корманди Маркази мубориза бар зидди ВНМО метавонад бо шумо бо рақами телефони нишондодашуда тамос гирад, аммо танҳо дар сурати рӯҳ додани хатогиҳои техникӣ ҳангоми интиқол ва ё шумо фармоиши худро муддати тӯлонӣ нагирифта бошед, барои аниқ намудан.

Шумо лифофаеро хоҳед гирифт, ки дорои як тести худсанҷиш ба ВНМО ва маводҳои гуногуни иттилоотӣ оид ба ВНМО ва усулҳои пешгирии сироят бо забонҳои тоҷикӣ ва русӣ мебошад.

Мо кӯшиш мекунем, ки фармоишҳоро ҳарчи зудтар коркард кунем ва одатан фармоиш дар ҳамон рӯз ё рӯзи дигар расонида мешавад. Аз сабаби реҷаҳои гуногуни кори хаткашонҳо ва координатор фармоишро дар давоми 2—3 рӯз расондан мумкин аст: ин дар сурате рӯй медихад, ки агар шумо дар рӯзҳои Ид ё рӯзи истироҳат фармоиш диҳед.

Не, Шумо ӯҳдадор нестед, ки натиҷаи санҷиши худро бо каси дигар мубодила кунед. Барои мо аз ҳама муҳим он аст, ки шумо вазъи ВНМО-и худро медонед. Мо аз шумо хоҳиш мекунем, ки натиҷаи санҷиши худро ба мо фиристед, то мо тавонем омори санҷишҳои истифодашударо ҷамъ оварем. Ба мо ин маълумотҳо танҳо барои ҳисоботи умумӣ ва тасдиқи маблағгузории минбаъдаи лоиҳа лозим аст. Инчунин, дар сурати ба даст овардани натиҷаи мусбӣ, шумо метавонед дар ин бора ба мо бигӯед ва мо метавонем ба шумо барои гузаштан аз санҷиши тасдиқкунанда ва дар марҳилаҳои минбаъда дар ҳолати зарурӣ кӯмак ва дастгирӣ расонем.